Ўзбекистонда 17 июнь соат 23:00 ҳолатига кўра, коронавирус инфекциясини юқтириб олганлар яна 44 нафарга кўпайди ва касалланганларнинг умумий сони 5682 нафарни ташкил этмоқда. Бу ҳақда Соғлиқни сақлаш вазирлиги хабар берди.
Янги касалланиш ҳолатларининг
- 18 таси карантин марказидаги фуқаролар орасида;
- 10 таси Тошкент вилоятида (шундан 7 таси халқаро юк ташувчи автомашина ҳайдовчиларида, 3 таси эса аҳоли орасида);
- 7 таси Тошкент шаҳрида (шундан 2 таси коронавирусга чалинганлар билан мулоқотда бўлиб, карантинга олинганда, 5 таси аҳоли орасида);
- 5 таси Самарқанд вилоятида;
- 4 таси Бухоро вилоятида коронавирусга чалинганлар билан мулоқотда бўлиб, карантинга олинган фуқаролар орасида аниқланган.
Ўзбекистонда 17 июнь ҳолатига кўра, жами 35 нафар бемор COVID-19 коронавирус инфекциясидан тузалиб, соғайганларнинг умумий сони 4131 нафарга (72 фоиз) етган. 1532 нафар бемор даволанишда давом этмоқда.
Эпидемия бошланганидан бери Ўзбекистонда коронавирус инфекцияси асоратлари оқибатида жами 19 нафар, шундан июнь ойининг ўзида 4 нафар бемор вафот этган.
Изоҳ (0)