«Малика» савдо маркази, Юнусобод деҳқон бозори ва «Ўрикзор» ёпилди. Тошкентдаги 71 та маҳалла «қизил» ҳудуд сифатида белгиланди

Тошкент шаҳрида коронавирус инфекцияси билан касалланганлар сони ошгани сабаб 17 июнь куни «Малика» савдо маркази, Юнусобод деҳқон бозори ва Учтепа туманидаги «Ўрикзор» савдо комплекси фаолияти тўхтатилди. Бу ҳақда Тошкент шаҳар ИИББ ахборот хизмати хабар бермоқда.

Аввалроқ «Ўрикзор» бозорининг дезинфекция ишлари учун вақтинча ёпилгани ҳақида ижтимоий тармоқларда видео ва хабарлар тарқалганди.

Маҳаллаларга кириш ва чиқиш жойлари ёпилади, стационар постлар ўрнатилиб, у ерда Тошкент шаҳар ИИББ ходимлари, Миллий гвардия хизматчилари ҳамда санитария-эпидемиология назорати хизмати ходимлари навбатчилик қилади.

Маҳаллалар ҳудудларида суткалик навбатчилик ташкил қилинади ва қатъий назорат ўрнатилади. «Қизил» ҳудудда яшовчи фуқаролар уйдан фақат озиқ-овқат ва дори маҳсулотларини харид қилиш учун чиқиши мумкин. Шу билан бирга, албатта, тиббий ниқоб тақиши зарур.

Эпидемиологик хавф бўйича «қизил» тоифага киритилган Тошкент маҳаллалари (туманлар бўйича) рўйхати:

Миробод тумани: «Файзобод»;

Мирзо Улуғбек тумани: Х.Абдуллаев номидаги маҳалла, «Оққўрғон», «Авайхон», «Янги Авайхон», «Шўртепа»;

Юнусобод тумани: «Тикланиш», «Туркистон», «Ҳалқабоғ», «Ифтихор», «Нурмакон», «Оқтепа», «Шарқ ҳақиқати», «Собиробод»;

Яшнобод тумани: «Кўксарой», «Қўйлиқобод», «Гўзал», «Машинасозлар», «Тонг», «Катта-Қўйлиқ», «Ўрта Масжид»;

Учтепа тумани: «Боғистон», «Нишабариқ», «Дегрез», «Тақачи», «Ҳайратий», «Ўрикзор», «Кўркамобод»;

Яккасарой тумани: «Муқимий», «Қушбеги»;

Шайхонтоҳур тумани: «Шодлик», О.Хўжаев номидаги маҳалла, «Боғкўча», «Камолон», «Чақар», «Жангоҳ», «Янги Белтепа», «Гулобод», «Зафаробод», «Эшонгузар»;

Сергели тумани: «Ҳабибий», «Янги Сергели», «Эзгулик», 8 ва 9-саноат ҳудудлари;

Олмазор тумани: «Шодиёна», «Истиқбол», «Ниҳол», «Ёшлик», «Чиғатой Оқтепа», «Гулзор», «Аҳил», «Гуруч ариқ», «Ислом ота», «Чуқурсой», «Себзор», «Хончорбоғ», «Қўштут», «Эски шаҳар», «Университет», Мирзо Ғолиб номидаги маҳалла, «Аллой», «Олимпия», «Шифокорлар»;

Бектемир тумани: «Бинокор», «Абай»;

Чилонзор тумани: «Қатортол», «Катта Қозиробод», «Катта Чилонзор-2», «Гулистон», «Якка тут».

Аввал 10 июнда Тошкент шаҳридаги жами 513 та маҳалла фуқаролар йиғинидан 42 таси «қизил» ҳудуд, 132 таси «сариқ» ҳудуд, 339 таси эса «яшил» ҳудудга ажратилгани ҳақида хабар берилганди. Энди пойтахтда «қизил» ҳудуд тоифасига кирувчи маҳаллалар сони 29 тага кўпайиб, 71 тага етган.