«Ювентус» бош мураббийи Маурицио Сарри Италия кубоги финалида «Наполи»дан учралган мағлубиятдан (2:4 — пенальтилар серияси) сўнг ўз фикрлари билан ўртоқлашди.
«Бу мағлубият клуб, футболчилар ва мухлислар учун кўнгилсизлик, аммо ҳозир бундан ортиғини қила олмаймиз, чунки ҳали бизда шиддат йўқ. Бизда бир нечта ўйинчиларда жароҳатлар бор эди, шунинг учун бошқа танловлар қилишга мажбур бўлдик. Боиси ҳали жисмоний ҳолатимиз оптимал даражада эмас. Тўпни яхши ушлаб турдик, бироқ хавфли вазиятлар ярата олиш учун кескинлик етишмади.
Роналду? У Пауло Дибала ва Дуглас Коста билан бир хил формада, унга қўлидан келганини қилиш учун кескинлик етишмади», — дейди Сарри.
Эслатиб ўтамиз, Италия А Серияси 20 июндан қайта давом эттирилади. «Ювентус» танаффусдан кейинги дастлабки ўйинини 22 июнь куни сафарда «Болонья» қарши ўтказади.
Изоҳ (0)