Ўзбекистон халқ таълими вазирининг буйруғи билан Шуҳрат Сатторов Республика таълим маркази директори лавозимига тайинланди. Бу ҳақда вазирлик матбуот хизмати хабар қилган.
Шуҳрат Сатторов 2020 йилнинг февраль ойидан бери мазкур марказда директор ўринбосари лавозимида ишлаб келаётган эди.
Шуҳрат Сатторов 1985 йилда туғилган. 2008 йилда Ўзбекистон давлат жаҳон тиллари университетининг халқаро журналистика факультетида, 2008—2009 йилларда Ҳиндистоннинг Пуна университети Оммавий алоқалар ва журналистика факультетида таҳсил олган.
2018—2020 йилларда Жанубий Кореянинг Йонсей университетида Давлат, бизнес ва тадбиркорлик факультетида магистратура мутахассислигини тамомлаган.
Аввалроқ 2020 йил 10 июнда Рустам Каримжонов халқ таълими вазирининг ўринбосари лавозимига тайинлангани, кейинчалик 14 июнда Президент Администрацияси таълим шўъбаси мудири Усмон Шарифхўжаев Ўзбекистон Республикаси халқ таълими вазирининг биринчи ўринбосари лавозимини эгаллагани ҳақида хабарлар берилган эди.
Изоҳ (0)