Ўзбекистонда 17 июнь соат 17:00 ҳолатига кўра, коронавирус инфекцияси қайд этилганлар сони 77 нафарга кўпайди ва уларнинг умумий сони 5638 нафарни ташкил этмоқда. Бу ҳақда Соғлиқни сақлаш вазирлиги хабар бермоқда.
Янги касалланиш ҳолатларининг
- 73 нафари карантин марказидаги фуқаролар орасида;
- 4 нафари Бухоро вилоятида (шундан 1 нафари коронавирусга чалинганлар билан мулоқотда бўлиб карантинга олинган, 3 нафари аҳоли орасида) қайд этилган.
Бухоро вилоятида 10 июнь, 12 июнь, 14 июнь ва 16 июнда ҳам аҳоли орасида коронавирус аниқланганди.
17 июнь соат 10:00 ҳолатига кўра, Ўзбекистонда касалланганлар сони 68 нафарга ошиб, 5561 кишига етганди.
Айни пайтда Ўзбекистонда 4096 нафар коронавирус инфекциясига чалинган фуқаролар соғайди.
Коронавирусдан даволанаётган беморлар сони 1523 нафарга етди.
Эслатиб ўтамиз, эпидемия бошланганидан бери Ўзбекистонда COVID-19 асоратлари оқибатида жами 19 нафар, шундан июнь ойининг ўзида 4 нафар бемор вафот этди.
