Британияда жойлашган тезкор хизмат кўрсатувчи KFC ресторанига бир эркак от аравада келиб, машинадаги мижозларга мўлжалланган ойна орқали овқат буюртма қилмоқчи бўлган, бироқ раҳбарият эркакка рад жавобини берган, деб хабар қилади Motor.
Жо-Жо лақабли пони отида KFC’га келган 55 ёшли Ян Беллнинг сўзларига кўра, у мазкур можародан сўнг ўзини хўрлангандек ҳис қилган. Эркакнинг айтишича, у ҳеч қандай қонунбузарлик қилмаган, шунчаки овқатланиш ниятида бўлган.
Таъкидланишича, Ян Белл тез-тез от аравада сайр қилиб туради. Тос суягидаги жароҳат сабаб у юришга ёки машина бошқаришга қийналади, шу сабабли от арава эркакнинг анъанавий сайр усули ўрнини эгаллаган.
KFC раҳбариятининг маълум қилишича, улар от аравадаги мижозларга хизмат кўрсата олмайди, чунки бу хавфсизлик қоидаларига зид. Бироқ Белл можародан сўнг йўл олган қўшни «Макдоналдс» эркакка ҳеч бир эътирозсиз хизмат кўрсатган.
KFC штаб-квартираси мазкур ҳолатга муносабат билдириб, ўз менежерларини ҳимоя қилган. Эндиликда Белл бу каби ҳолатда Burger King ходимлари қандай йўл тутишини текшириб кўриш ниятида.
Эслатиб ўтамиз, 2018 йилнинг сентябрида Тошкентда ҳам KFC ресторани иш бошлаган.
Мавзуга доир: Мўғулистондаги KFC’га ташриф буюрган 247 киши заҳарланди
Изоҳ (0)