АҚШнинг Франкфурт шаҳридаги ишчилар Америка конфедератив штатларининг биринчи ва ягонa президентига атаб ўрнатилган ҳайкални бошқа жойга кўчирди. Ҳайкални жойидан кўчириш вақтида унинг ичига солиб қўйилган кутилмаган топилмага дуч келинган, деб хабар беради New York Post.
Ҳайкал ичидан 1936 йилги Glenmore Kentucks бурбони шишаси (виски тури) ва State Journal газетасининг 1936 йил 20 октябрда чоп этилган сони топилган — монумент айнан шу кунда ўрнатилган.
Бу каби сюрпризни ким ва нима сабабдан қолдиргани номаълум.
Таъкидланишича, АҚШда ирқчилик ва полиция зўравонлигига қарши ўтказилаётган норозилик намойишларида Фуқаролик уруши даврида Жанубдаги қулдорлар тарафида туриб жанг қилган арбобларга атаб ўрнатилган ҳайкаллар бузиб ташланмоқда.
Аввалроқ АҚШ шаҳарларида Христофор Колумбнинг ҳайкаллари вандаллар ҳужумига учраётгани тўғрисида хабар берилганди.
Эслатиб ўтамиз, май ойи охирида афроамерикалик Жорж Флойдни Миннеаполисда полиция ходимлари қўлга олган ва кўчада бир нафар ходим томонидан тизза билан бўғиб қийноққа солинган, якунда Флойд касалхонада вафот этган. Унинг ўлими АҚШ ҳамда Европада ирқчилик ва ижтимоий тенгсизлик муаммоларига қарши норозилик намойишларининг бошланишига туртки бўлди.
Изоҳ (0)