УЕФА Еврокубоклар жорий мавсумидаги мусобақаларни қандай давом эттириш ҳақида бир қарорга келди, дея хабар қилмоқда Sky Sport Italia.
Чемпионлар Лигаси Лиссабонда «саккиз финалчи» форматида ўтказилади. Чорак финаллар 12—15 август кунлари бўлиб ўтади, ярим финаллар — 18—19 август, финал учрашуви эса 23 августга белгиланган.
Мусобақага июль ойи ўрталарида қуръа ташланади.
1/8 финалдан ўрин олган «Ювентус» — «Лион» ва «Барселона» — «Наполи» учрашувлари 7—8 август кунлари Турин ҳамда Барселонада ўтказилади. «Манчестер Сити» — «Реал» ва «Бавария» — «Челси» ўйинларининг қаерда бўлиб ўтишига аниқлик киритилмаган.
Европа Суперкубоги 24 сентябрь куни Будапештда ўтказилади.
Мазкур қарор ташкилотнинг 17 июнь кунги йиғилишида тасдиқланади. Эслатиб ўтамиз, «Аталанта», «Атлетико», ПСЖ ва «Лейпциг» жамоалари Чемпионлар Лигаси чорак финалига йўлланма олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)