Футбол бўйича Ўзбекистон Суперлигаси 4-турдан ўрин олган воҳа дербисида «Сурхон» ўз майдонида Муборакнинг «Машъал» клубини қабул қилди.
Иккала жамоа вакиллари ҳам ўйинни эҳтиёткорлик бошлади ва илк дақиқалардан бошлаб тўп назоратини қўлга киритишга ҳаракат қилди. Бироқ биринчи бўлимда дарвозаларга тўп киритилмади.
Иккинчи бўлимни тезкорлик билан бошлаган «Машъал» жамоаси 48 ва 54-дақиқаларда икки бор «Сурхон» дарвозасини ишғол этди. Орадан 4 дақиқа ўтгач эса бурчакдан оширилган тўпни Ҳусниддин Ғофуров боши билан дарвозага йўллаб, ҳисобни қисқартирди – 1:2. Танаффусдан кейинги тезкор голлардан сўнг хотиржамликка берилган «Машъал»ни захирадан ўйинга қўшилган Сардор Сулайманов 82-дақиқада жазолади – 2:2. Шу тариқа Термизда ўтган воҳа дербисида ғолиб номи аниқланмади.
Мазкур натижадан кейин «Машъал» очколарини 5 тага етказиб, 7-ўриндаги «Навбаҳор»га етиб олган бўлса, «Сурхон» 11-поғонадаги ўрнини сақлаб қолди.
Суперлига
4-тур баҳси
15 июнь, душанба
«Сурхон» — «Машъал» 2:2
Голлар: 0:1 – 48 Абдусаломов, 0:2 – 54 Павленко, 1:2 – 58 Ғофуров, 2:2 – 82 Сулаймонов.«Сурхон»: Асилбек Омонов Владимир Бубаня, Раҳматулло Бердимуродов (Беҳруз Шайдулов, 59), Ҳусниддин Ғофуров, Шерзод Каримов, Александр Касян, Ҳусниддин Ғофуров, Аъзамжон Алиев (Азиз Ибрагимов, 59), Жаҳонгир Меҳмонов (Хожиакбаров, 75), Дарко Станоевич, Асрор Ғофуров (Сардор Сулаймонов, 75).
«Машъал»: Раҳимжон Давронов, Сирожиддин Раҳматуллаев, Ифеани Ифеани (Нажмиддин Нормуродов, 78), Никита Павленко, Шерзод Темиров, Элла Кен (Жаҳонгир Абдусаломов, 45), Жамолиддин Убайдуллаев, Аббос Шодмонов, Сирожиддин Қўзиев, Самандар Шукуриллаев, Денис Василев.
Огоҳлантиришлар: Қўзиев (39), Каримов (73), Бубаня (90+4).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)