Футбол бўйича Ўзбекистон чемпионати 4-турининг сўнгги ўйинида «Локомотив» ва «Металлург» жамоалари 15 июнь, душанба куни ўзаро тўқнаш келди.
Учрашувнинг дастлабки бўлимида майдон эгалари бир қатор имкониятларга эга бўлди. Бекободликлар Александр Лобановнинг қатор сейвлари сабаб голлардан қутулиб қолди. Иккинчи бўлим эса меҳмонларга омадли келди.
Дастлаб захирадан майдонига тушганига кўп бўлмаган Аброр Тошқўзиевнинг 58-дақиқадаги аниқ зарбасидан кейин «Металлург» олдинга ўтиб олди. 66-дақиқада Шаҳзод Убайдуллаев қанотдан узатилган тўпга акробатик тарзда зарба бериб, чиройли гол муаллифига айланди.
72-дақиқада «маъданчилар» қарши ҳужумдан унумли фойдаланди ва Саламат Қутибоев ҳисобни йирик кўринишга олиб келди. Таъкидлаш жоиз, «Металлург»нинг уч голига ҳам Дониёр Нарзуллаев ассистентлик қилди.
Шу тариқа ушбу ғалабадан сўнг «Металлург» очколарини 7 тага етказиб олган ҳолда 5-ўринга кўтарилди. «Локомотив» эса (6 очко) 7-поғонага тушиб кетди.
Суперлига
4-тур баҳси
15 июнь, душанба
«Локомотив» — «Металлург» 0:3
Голлар: 0:1 – 58 Тошқўзиев, 0:2 – 66 Убайдуллаев, 0:3 – 72 Қутибоев.«Локомотив»: Игнатий Нестеров, Славко Дамянович, Даврон Умиров, Кахи Maxarадзе, Вадим Афонин, Кирилл Погребняк (Жавоҳир Алижонов, 75), Темурхўжа Абдухолиқов, Иброҳим Ғанихонов (Камрон Сайдазимов, 46), Даврон Ҳошимов, Шуҳрат Муҳаммадиев (Дилшод Комилов, 75), Шерзод Файзиев.
«Металлург»: Александр Лобанов, Аббос Отахонов, Дониёр Нарзуллаев (Шаҳзод Ғофурбеков, 74), Саламат Қутибоев, Зоҳид Абдуллаев (Шаҳзод Убайдуллаев, 57), Камолиддин Тожиев, Абдураҳмон Абдулҳақов (Аброр Тошқўзиев, 57), Ихтиёр Тошпўлатов, Станислав Андреев, Акбар Исматуллаев (Ҳудойшукур Сатторов, 74), Евгений Чумак.
Огоҳлантиришлар: Maxarадзе (13), Андреев (82), Чумак (90+2), Абдухолиқов (90+2).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)