Футбол бўйича Ўзбекистон Суперлигасининг 4-турида «Бухоро» клуби ўз майдонида 15 июнь, душанба куни «Андижон»га қарши саф тортди.
Бухородаги майдоннинг чими алмаштирилаётгани учун учрашув Муборакдаги «Баҳром Вафоев» стадионида ўтказилди. Номинал мезбон мақомидаги бухороликлар дастлабки дақиқалардан бошлаб устунликни ўз томонларига оғдириб олди ва Жасур Ҳакимовнинг голи эвазига ҳисобни очди. Биринчи бўлим тугашига бир дақиқа қолганда эса «Бухоро» дарвозаси томон пенальти белгиланди. 11-метрлик зарбани Жамшид Ҳасанов голга айлантирди. Биринчи таймда дарвозаларга бошқа тўп киритилмади ва жамоалар танаффусга йўл олишди.
Ўйиннинг 54-дақиқасида яна бир бор Жамшид Ҳасанов пенальтидан гол киритиб, жамоасини ҳисобда олдинга олиб чиқди – 1:2. Шундан сўнг бухороликлар мағлубиятдан қутулиб қолиш учун ҳужум қилишдан тўхтамади ва қўшиб берилган дақиқаларнинг сўнгида ҳисобни тенглаштиришга муваффақ бўлди. Бу вазифани эса захирадан ўйинга қўшилган Беҳруз Саъдуллаев уддалади.
Натижада «Бухоро» мавсумдаги биринчи очкосини қўлга киритган бўлса, «Андижон» эса навбатдаги дурангни қайд этди. Ҳар иккала жамоа ҳам мусобақа жадвалининг сўнгги қаторларидан ўрин («Анджион» — 12-ўрин, «Бухоро» эса 13-ўрин) эгаллаб турибди.
Суперлига
4-тур баҳси
15 июнь, душанба
«Бухоро» – «Андижон» 2:2
Голлар: 1:0 – 21 Ҳакимов, 1:1 – 44 Ҳасанов (пен.), 1:2 – 55 Ҳасанов (пен). 2:2 – 90+4 Саъдуллаев.
«Бухоро»: Шоҳжаҳон Насимов, Миржалол Жумаев, Суҳроб Неъматов (Зохир Пиримов, 60), Жасурбек Ҳакимов, Жасур Ҳасанов, Беҳруз Шодмонов, Аброр Хусинов (Бобиржон Аманов, 76), Эргаш Исмоилов, Азизбек Амонов (Аббос Жумақулов, 82), Бобурбек Фарҳодов, Иззат Абдуллаев (Беҳруз Саъдуллаев, 82).
«Андижон»: Аслонбек Аҳроров, Азамат Исроилов, Фарҳод Мираҳматов (Қаҳрамон Баҳодиров, 71), Хушнудбек Авилов, Жамшид Ҳасанов (Муҳаммадали Юлдошев, 81), Фарҳодбек Бекмуродов, Артём Литвяков (Тимур Усманов, 57), Мишел Ибе (Жаҳонгир Абдумуминов, 57), Абдулло Олимов (Сирож Мелиев, 81), Усмонали Исмоналиев, Дмитро Зозуля.
Огоҳлантиришлар: Фарҳодов (33), Шодмонов (50), Ҳакимов (53), Усманов (60).
Изоҳ (0)