O‘zbekiston hukumati nomidan va uning kafolati ostida jalb qilingan qarz qoldig‘i 2020-yil 1-aprel holatiga ko‘ra, 18,2 milliard dollar yoki yalpi ichki mahsulot (YaIM)ga nisbatan 31,3 foizni tashkil etdi. Bu haqda Moliya vazirligi xabar berdi.
Ma’lumotlarga ko‘ra, birinchi chorakda davlat tashqi qarzi 500 million AQSh dollariga yoki yil boshiga nisbatan 2,9 foizga oshib, 1-aprel holatiga ko‘ra 16,11 milliard dollarga (YaIMga nisbatan 27,7 foizga) yetdi.
Shundan:
- hukumat nomidan jalb qilingan tashqi qarz — 10,9 milliard dollar;
- hukumat kafolatlagan tashqi qarz — 5,2 milliard dollar.
Shundan:
- hukumat nomidan jalb qilingan ichki qarz – 1,7 trillion so‘m (0,2 milliard dollar);
- hukumat kafolatlagan ichki qarz – 18,3 trillion so‘m (1,9 milliard dollar).
Jahon banki va Xalqaro valyuta jamg‘armasining qarz barqarorligi tahliliga ko‘ra, o‘zining iqtisodiy salohiyati bo‘yicha O‘zbekistonning davlat qarziga xizmat ko‘rsatish salohiyati kuchli hisoblanadi va ushbu mamlakatlarda davlat tashqi qarzi uchun me’yor yalpi ichki mahsulotning 50 foizgacha tashkil etishi mumkin.
2020-yil birinchi choragida davlat qarzi qoldig‘ining o‘sishini shakllantiruvchi asosiy omillar:
- O‘zbekiston hukumati nomidan imzolangan tashqi qarz bitimlari doirasida o‘zlashtirilgan mablag‘lar qoldig‘i 200 million AQSh dollar;
- davlat kafolati ostida imzolangan tashqi qarz bitimlari doirasida o‘zlashtirilgan mablag‘lar qoldig‘i 400 million AQSh dollar;
- 700 milliard so‘m miqdorida davlat qimmatli qog‘ozlari chiqarilishi hamda 250 milliard so‘mga teng ichki qarzdorlik so‘ndirilishi natijasida davlat qimmatli qog‘ozlari qoldig‘i 450 milliard so‘mga oshdi.
Izoh (0)