Давлат хавфсизлик хизмати Тошкент вилояти бошқармаси ҳамда вилоят божхона бошқармаси ходимлари ҳамкорлигида ўтказилган тезкор тадбирда 1993 йилда туғилган Тожикистон фуқароси О.И. Бекобод тумани ҳудудидаги давлат чегарасидан ноқонуний ўтиб, Ўзбекистонга кириб келган вақтида ушланган. Унинг ёнидаги пакет ичида 983 грамм опий гиёҳвандлик моддаси борлиги аниқланган. Бу ҳақда ДХХ чегара қўшинлари ахборот хизмати «Дарё»га маълум қилди.
Шунингдек, ДХХ ходимларининг Тошкент шаҳар божхона бошқармаси контрабандага қарши кураш бўлими билан ҳамкорликда ўтказган тезкор тадбирида Сурхондарё вилоятидан Тошкент шаҳри томон ҳаракатланиб келаётган Isuzu русумли автомашина «Эркин» ЙПХ масканида тўхтатилиб, текширилди. Автомобиль юкхонасида 452 грамм опий гиёҳвандлик моддаси борлиги ва у машинадаги йўловчи 1983 йил Сурхондарё вилоятининг Денов туманида туғилган А.С.га тегишли экани маълум бўлди.
Аниқланган барча ҳолатлар юзасидан Жиноят кодексининг тегишли моддаларига асосан жиноят ишлари қўзғатилиб, тергов ҳаракатлари олиб борилмоқда.
Мавзуга доир:
- Хоразмда 1 килодан кўп опийни Ўзбекистонга олиб кирган наркокурьерлар қўлга олинди
- ДХХ 3 та вилоятда қарийб 11,5 кг «гашиш» ва «опий» савдосига чек қўйди
- Фарғонада Ўзбекистонга 5 кг гашиш олиб кирган ва уни сотмоқчи бўлган жиноий гуруҳ фаолиятига чек қўйилди
- Сурхондарёда Тожикистондан олиб ўтилган 61 кило гашиш топилди, эгаси қидирилмоқда
Изоҳ (0)