Zalp o‘t ochish tizimidan uchirilgan raketa Bag‘dod shimolidagi AQSh qurolli kuchlari tomonidan foydalanib keladigan “Kemp-Taji” bazasi yaqiniga kelib tushdi, deb xabar beradi Al Sumaria.
Telekanalning Iroq xavfsizlik kuchlaridagi manbasiga tayanib ma’lum qilishicha, hozircha qurbonlar va yetkazilgan moddiy zarar haqida ma’lumot yo‘q.
Iroqdagi Amerika obyektlari muntazam raketalar hujumiga uchrab turadi. Mart oyida ikkita raketa AQShning Bag‘doddagi elchixonasi yaqiniga kelib tushgandi.
Bunga qadar “Kemp-Taji” hududiga zalp o‘t ochish tizimining kamida 25 ta raketa snaryadlari kelib tushgan. Amerika harbiy koalitsiyasining rasmiy vakili polkovnik Maylz Kegginsning ma’lum qilishicha, hujumlar oqibatida besh kishi jarohat olgan. Ularning uch nafari AQSh harbiy xizmatchisi bo‘lsa, ikki nafari — iroqlik harbiylar.
Izoh (0)