Тошкент тиббиёт академиясининг кўп тармоқли клиникасида яна 57 нафар, Андижон вилоятида эса 1 нафар, жами 58 нафар коронавирус инфекциясига чалинган бемор 12 июнь куни соғайди, деб хабар бермоқда ССВ матбуот хизмати.
Қайд этилишича, эндиликда Тошкентда коронавирусдан соғайганлар 1790 нафарга етди. Андижон вилоятида тузалганлар эса 178 нафарга етиб, даволанаётган беморлар 3 нафарни ташкил этмоқда.
Бундан аввал Ўзбекистонда 63 нафар бемор коронавирусдан тузалиб, жами соғайганлар сони 3700 нафарга етгани хабар берилган эди. Эндиликда улар сони 3758 нафарни ташкил этмоқда.
Касалланганларнинг умумий сони эса 12 июнь соат 16:30 ҳолатига кўра 4837 нафарга етди, вирус асоратларидан 19 киши вафот этган.
Изоҳ (0)