«Реал» собиқ футболчиси ва спорт директори Предраг Миятович мадридликлар ҳужумчиси Лука Йович ҳақидаги фикрларини билдирди.
«Унинг голлари туфайли у ҳақида кўпроқ гапиришни истаган бўлардим, аммо афсуски, бундай қилолмаймиз. Йович ўтган йили яхшигина маблағ эвазига сотиб олинганди, аммо у ўз имкониятини бой бериб қўйганга ўхшайди. Биз уни майдонда кам кўрдик, шу сабабли турли саволлар пайдо бўлмоқда. У «Реал» нима эканини тушуна олмаяпти. Афтидан, унинг ўзи ҳам бу клубда муваффақият қозонишига ишонмаяпти», — дейди Миятович.
Жароҳатидан тўлиқ фориғ бўлмаган Йович аввалроқ коронавирус тарқалиш хавфи туфайли ўрнатилган карантин қоидаларига қарамай, дўстлари билан базм уюштирганди. Ундан аввал эса Лука Сербияда карантин қоидаларини бузган ва бунинг учун мамлакат президентидан дакки эшитганди. Шунингдек футболчи изоляция вақтида оёғини синдириб олган ва бу ҳақда жамоасини огоҳлантирмаганди.
Маълумот ўрнида, «Реал» Йовични 2019 йилнинг ёзида «Айнтрахт»дан 60 миллион евро эвазига сотиб олган. Йович ушбу мавсумда Испания чемпионатида 15 ўйин ўтказиб, 2 та гол урди ва 1 та голли узатмани амалга оширди. Унинг клуб билан шартномаси 2025 йилгача мўлжалланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)