АҚШ собиқ вице-президенти ва президентлик сайловларига Демократлар партиясидан номзод сифатида қаралаётган Жо Байден Дональд Трамп сайловлардаги мағлубиятини тан олишдан бош тортса, уни ҳарбий тўнтариш кутаётганини маълум қилди, деб хабар беради CNN.
Интервью давомида журналистлар Байдендан Трамп президентлик сайловларида ютқазса, лекин лавозимдан кетишни истамаса нима бўлиши ҳақида сўраган. Бунга жавобан собиқ вице-президент ҳарбийлар ёрдамга келишини маълум қилган. «Мутлақо ишончим комилки, уни тезда Оқ уйдан кузатиб қўйишади», — дея таъкидлайди Байден.
Аввалроқ АP агентлиги Байден Демократлар партияси номидан президентлик сайловларида иштирок этиш учун етарлича овоз тўплаганини маълум қилганди. Дастлабки овоз бериш натижаларига кўра, Байденни 1993 нафар депутат қўллаб-қувватлаган. Сайловларнинг биринчи турида иштирок этиш учун номзод камида 1991 овозга эга бўлиши керак.
Апрель охирларида Трамп АҚШ президентлигига сайловлар санаси кўчирилишига оид саволларга жавоб бериб, сайловлар кўчирилмаслигини маълум қилганди.
Мавзуга доир: АҚШ президентлигига номзод Жо Байденнинг собиқ ходимаси уни жинсий тегажоғликда айблади
Изоҳ (0)