АҚШдаги кўплаб шаҳарларда ирқчиликка қарши норозилик намойишлари вақтида Америка қитъасини топган Христофор Колумб ҳайкалларига жиддий зарар етказилмоқда. Бу ҳақда АҚШ ОАВга таяниб «Интерфакс» хабар қилди.
Voice of America нашрининг ёзишича, Виржиния штатининг Ричмонд шаҳрида намойишчилар Byrd паркидаги ҳайкални ёқиб юборишга уринган, кейин уни арқон ёрдамида ушлаб шоҳсупадан ерга қулатган. Уларнинг фикрича, Колумб миллатчилик рамзига айланган ва шу сабабли ҳам улар ҳайкални кўлга чўктириб юборган.
Полиция ходимлари ушбу воқеа содир бўлган вақтда парк ҳудудида бўлмаган ва намойишчиларнинг ҳаракатлари маҳкама вертолёти орқали тепадан кузатиб турилган.
https://twitter.com/nytimes/status/1270938811606790144
Массачусетс штатининг Бостон шаҳрида 7News Boston канали берган хабарга кўра, Колумб ҳайкалининг боши синдириб ташланган.
Миннесота штатидаги Сент-Пол шаҳрида ҳам Колумб ҳайкали бузиб ташланди. Сент-Пол шаҳри полиция ходимлари томонидан қийноққа солинган ва касалхонада вафот этган Жорж Флойд яшаган Миннеаполисга қўшни ҳудуд ҳисобланади.
Бутун дунёда фашизмга қарши намойиш ўтказаётган вандаллар ҳайкалларга зарар етказиб, бошқа тарихий шахсларга қўйилган монументларни «безаб» қўймоқда, тарихий шахсларнинг кўпчилик қисми ирқчилик ва қулдорлик тизимига ишлаганликда айбдор, дея бундай ҳақоратли ҳаракатларга дучор бўлмоқда.
Аввал Лондондаги Уинстон Черчиллга ўрнатилган ҳайкал вандаллар ҳужумига учраганди. Вандаллар ҳайкални бўёқ билан бежаб, Черчиллни ҳам расизмда айблаган. Шунингдек, шаҳарда XVIII асрда яшаган савдогар ва қул савдоси билан шуғулланган Роберт Миллиган ҳайкали ҳам ҳужумга учраган, Бристолда парламент аъзоси бўлган ва қулдорликка алоқадор Эдвард Кольстон ҳайкали вайрон қилинган.
Бельгияда ўтказилган намойишлар вақтида қирол Леопольд II ҳайкали вандализм қурбони бўлди. Мустамлака ерларини қаттиққўллик билан бошқарган қиролнинг ҳайкали расизмга қарши акциялар вақтида бўёқлар билан бежаб ташланган. Шаҳар хиёбонига ўрнатилган ҳайкал ҳанузгача асл ҳолига қайтарилгани йўқ.
Миннеаполисдаги воқеаМай ойи охирида афроамерикалик Жорж Флойдни Миннеаполисда полиция ходимлари қўлга олган ва кўчада бир нафар ходим томонидан тизза билан бўғиб қийноққа солинган, якунда Флойд касалхонада вафот этган. Унинг ўлими АҚШ ҳамда Европада ирқчилик ва ижтимоий тенгсизлик муаммоларига қарши норозилик намойишларининг бошланишига туртки бўлди.Суд тиббий экспертизаси Жорж Флойднинг қони ва пешобида бир нечта гиёҳвандлик моддаларининг қолдиқларини топган, шунингдек, унинг полиция томонидан ҳибсга олинган вақтда COVID-19’га чалингани ёки касалликнинг ўрта босқичида бўлгани айтилмоқда, аммо эркак ушбу асоратлари оқибатида вафот этмаган. Ўлимга юракнинг тўхтаб қолиши сабаб бўлган. Флойднинг гипертоник характердаги касалликлар билан ҳам оғригани маълум қилинган.
Дастлабки аутопсия натижалари бўйича, унинг танасидан асфиксия ва бўғиш аломатлари топилмаган. Бироқ кейинчалик Миннесота штати Ҳеннепин округидаги расмий суд тиббий экспертизаси Флойднинг ўлимига қотиллик сабаб эканини билдирган.
Шунингдек, Флойднинг оиласи розилиги ва ташаббуси билан ўтказилган ёриб текшириш жараёнида ҳам марҳумнинг асфиксия ва бўйнидан бўғиш оқибатида ўлганлиги маълум қилинган.
Флойдни ҳибсга олган ва бўғган офицер Дерек Шовен ишдан ҳайдалган ва учинчи тоифали қотиллик ҳамда иккинчи тоифали атайин қилинмаган қотилликда айбланмоқда.
Изоҳ (0)