ДХХ Фарғона вилояти бошқармаси ва вилоят ички ишлар бошқармаси ҳамкорлигида ўтказилган тезкор тадбир давомида Тошкент шаҳридан Қўқон шаҳри томон ҳаракатланаётган Lacetti русумли автомашинадан гиёҳвандлик воситалари рўйхатига киритилган дорилар топилди.
«Дарё»га маълум қилинишича, Данғара туманида тўхтатилган автомобиль холислар иштирокида кўздан кечирилганда, унинг салон қисмида 11 000 дона «Трамадол» таблеткаси борлиги ва у машинада йўловчи сифатида кетаётган Қўқон шаҳрида яшовчи шахслар А.Ҳамидов ҳамда М.Ёқубовга тегишли эканлиги маълум бўлган.
Аниқланишича, Тошкент шаҳрида истиқомат қилувчи, ҳозирда шахсига аниқлик киритилаётган фуқаро томонидан Қозоғистондан контрабанда йўли билан олиб келинган ушбу дори воситалари Қўқон шаҳрида сотиш учун олиб кетилаётган бўлган.
Ҳозирда мазкур ҳолатлар юзасидан Жиноят кодексининг тегишли моддаларига асосан жиноят ишлари қўзғатилиб, тергов ҳаракатлари олиб борилмоқда.
Эслатиб ўтамиз, Вазирлар Маҳкамасининг 2018 йил 27 октябрдаги 878-сонли қарорига мувофиқ «Трамадол» дори воситаси гиёҳвандлик воситалари рўйхатига киритилган.
Мавзуга доир:
- Тошкентда лицензиясиз «Тропикамид» ва «Селофен» сотаётган дорихоналар фош этилди
- Қорақалпоғистонда 25 дона «Трамадол» сақлаган Молдова фуқароси қўлга олинди
- Сурхондарё 296 дона «Трамадол»ни қарийб 3 млн сўмга сотаётган эркак қўлга олинди
- Андижонда Қўқондан келган Nexia’нинг салонидан 1,5 мингдан ортиқ «Лирика» чиқди
Изоҳ (0)