Хоразмнинг Хонқа туманидаги Шовот каналида 19 ёшли йигит сувда чўкиб вафот этди, деб хабар бермоқда ФВВ матбуот хизмати.
Ҳодиса ҳақида 10 июнь куни Хоразм вилояти Фавқулодда вазиятлар бошқармасига хабар келиб тушган. Қутқарувчилар воқеа жойига етиб борган ва амалга оширилган қидирув ишлари натижасида ҳодиса содир бўлган ҳудуддан фуқаро А.С.нинг жасади топилган.
Ушбу ҳолатга унинг эҳтиётсизлиги сабаб бўлгани тахмин қилинмоқда.
Юзага келган вазиятдан келиб чиқиб, ФВВ ота-оналар томонидан ўз болаларини қаровсиз қолдирмаслигини ҳамда шахсий хавфсизлик қоидаларига риоя этишларини сўради.
Изоҳ (0)