Енгил вазн тоифасида UFC чемпиони Ҳабиб Нурмагомедов ва вақтинчалик чемпион Жастин Гэтжи ўртасидаги чемпионлик жанги 19 сентябрь куни бўлиб ўтиши мумкин.
Жангни UFC 253 мусобақаси доирасида ўтказиш режалаштирилмоқда.
Ҳозирча беллашув ўтказиладиган жой номаълумлигича қолмоқда, бироқ Лас-Вегас ёки Абу Дабидаги «Жангчилар ороли»да бўлиши мумкин.
Эслатиб ўтамиз, Жастин Гэтжи шу йилнинг 10 май санасида УФС 249 мусобақасида Тони Фергюсонни мағлубиятга учратиб, Ҳабиб Нурмагомедовга қарши жанг қилиш ҳуқуқини қўлга киритганди.
Ҳабиб профессионал фаолияти давомида 28 та жанг ўтказиб, уларнинг барчасида ғалаба (8 нокаут) қозонган. Гэтжи эса умумий ҳисобда 24 марта октагонга кўтарилиб, 22 бор ғалабани (19 нокаут) қўлга киритган, 2 тасида имкониятни бой бериб қўйган.
Изоҳ (0)