«Манчестер Сити» ва Англия терма жамоасининг собиқ ҳимоячиси Майка Ричардс Буюк Британиядаги ирқий камситишлар ҳақида гапирди.
«Ҳатто ҳозир ҳам, кўчада кетаётганимда аёллар сумкасини маҳкамроқ ушлаб олади, одамлар эса орқага ўгирилиб, менга худди келгиндига қарагандек назар солади.
Очиғи, буларнинг барчасини тушунтириш қийин. Инсонлар одатда: ‘Гап ирқда эмас’, — дейди. Аммо бу туйғуни қалбимизнинг тубида ҳис этиш мумкин.
Менинг бир нечта оқ танли дўстларим бор ва ҳозир улар мен ўзимни қандай ҳис қилишимни тушунишни бошлади. Уларни кўр дейишдан йироқман, лекин одатий ҳаётда улар буни сезмайди», — дейди Майка Ричардс.
Майка 2006—2012 йилларда Англия терма жамоаси шарафини ҳимоя қилган. «Манчестер Сити» таркибида эса Англия кубоги (2011), Англия Премьер Лигаси (2012) ва Англия Лига Кубогида (2014) ғолиб бўлган.
Мавзуга доир:
- Габриэль Жезус: «Ирқчиларнинг мияси йўқ»
- Тьерри Анри Жорж Флойднинг ўлими ҳақида: Биз ўзгаришларни талаб қиламиз
- Кевин-Принс Боатенг ирқчилик ҳақида: Полиция мени ҳеч қандай сабабсиз тўхтатади. Сайр қилиб юрганимда одамлар кўчанинг нариги тарафига ўтиб кетади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)