Давлат тест маркази 2020/2021-ўқув йили қабулида олий таълим муассасаларининг бакалавриат таълим йўналишлари учун тест синовларини ўтказиш режалаштирилган бинолар рўйхатини эълон қилди.
Ушбу рўйхатда республика бўйича тест ўтказиладиган биноларнинг қайси муассасада жойлашгани, уларнинг рақами, сони, манзили ва геолокацияси кўрсатилган.
Хусусан, Тошкентда тест синовлари 12 та бинода ўтказилиб, бунинг учун «Ўзэкспомарказ» Миллий кўргазмалар мажмуаси, Теннис спорт мажмуаси, Олий ўқув юртлариаро спорт мажмуаси, Ёшлик спорт мажмуаси, Республика ихтисослаштирилган олимпия захиралари мактаб-интернати биноларидан жой ажратилган.
Тест ўтказиладиган биноларнинг тўлиқ рўйхати ва манзили билан ДТМ расмий сайтида танишиш мумкин.
Эслатиб ўтамиз, Ўзбекистонда ОТМларга кириш имтиҳонлари 25 июлдан 20 августгача ўтказилиши режалаштирилмоқда. Тест синовлари кунлик уч сменада ўтказилади. Абитуриентларни бинога киритишда тана ҳарорати ўлчанади ҳамда ниқоб ва резина қўлқоплари билан таъминланади. Тест синовлари ўтказиладиган бино ҳудуди ва ички қисмида кунига 4 марта дезинфекция ишлари амалга оширилади.
Изоҳ (0)