Қашқадарёда кластер ва ҳокимлик ўртасидаги суд жараёни якунига етди. Суд Sulton tex group корхонаси раҳбарлигидаги кластер даъвосини қисман қаноатлантирди. Бу ҳақда «Дарё» мухбири Отабек Қўлдошев хабар берди.
Суд қарорига кўра, Қарши туман ҳокимлиги мансабдорларининг кооперация деб аталаётган МЧЖ билан фермерлар ўртасида шартнома тузишга эришиш мақсадида амалга оширган барча ҳаракатлари ноқонуний деб топилди.
Шунингдек, давлат рўйхатидан ўтишда МЧЖ номига кооперация сўзини қўшиб рўйхатдан ўтган ва фермерларни шартнома тузишга мажбурлаган МЧЖ гувоҳомаси эса бекор қилинди.
Суд Қарши туман ҳокими ва ҳокимлик мансабдор шахсларига кластер фаолиятига аралашиш, унинг 2020 йил учун фермерлар билан тузган шартномасини бекор қилиш ёки ўзгартиришга уринишини тақиқлаб қўйди.
Туман ҳокими Мақсуда Мустафоеванинг бош вазир ўринбосари Ўктам Барноев ҳамда вилоят ҳокими Зоир Мирзаевга ёзган хатига ҳам эътибор қаратиб, ҳокимнинг ушбу ҳаракати қонунга хилоф деб топилди.
Мавзуга доир:
- Қашқадарёда Президент ишонч билдирган кластерни тугатиш учун фермерлар бўш шартномага муҳр босиб, имзо қўйишга мажбурланмоқда
- Қашқадарёда фермерларни шартнома тузишга мажбурлаётган ташкилот кооперация бўлолмаслиги айтилди
- Қарши тумани ҳокими ўринбосари судда кластер фаолияти тўхтатилишини кластер раҳбарининг селекторда қатнашмаслиги, ҳоким телефонига жавоб бермаслиги билан изоҳлади
- Қарши туман ҳокими Мақсуда Мустафоева: «Ариповдек қуюшқондан чиқади деб ўйласангиз, менда бундай бўлмайди»
Кластер раҳбариятининг судга қилган даъвосида 2020 йилнинг 8 апрелдаги ҳукумат баённомасидаги хусусий корхонани тўхтатиш ҳақидаги маълумотлар туман ҳокимлиги томонидан киритилган, деган даъвоси етарлича асосланмагани боис рад этилди.
Изоҳ (0)