Qashqadaryoda klaster va hokimlik o‘rtasidagi sud jarayoni yakuniga yetdi. Sud Sulton tex group korxonasi rahbarligidagi klaster da’vosini qisman qanoatlantirdi. Bu haqda “Daryo” muxbiri Otabek Qo‘ldoshev xabar berdi.
Sud qaroriga ko‘ra, Qarshi tuman hokimligi mansabdorlarining kooperatsiya deb atalayotgan MChJ bilan fermerlar o‘rtasida shartnoma tuzishga erishish maqsadida amalga oshirgan barcha harakatlari noqonuniy deb topildi.
Shuningdek, davlat ro‘yxatidan o‘tishda MChJ nomiga kooperatsiya so‘zini qo‘shib ro‘yxatdan o‘tgan va fermerlarni shartnoma tuzishga majburlagan MChJ guvohomasi esa bekor qilindi.
Sud Qarshi tuman hokimi va hokimlik mansabdor shaxslariga klaster faoliyatiga aralashish, uning 2020-yil uchun fermerlar bilan tuzgan shartnomasini bekor qilish yoki o‘zgartirishga urinishini taqiqlab qo‘ydi.
Tuman hokimi Maqsuda Mustafoyevaning bosh vazir o‘rinbosari O‘ktam Barnoyev hamda viloyat hokimi Zoir Mirzayevga yozgan xatiga ham e’tibor qaratib, hokimning ushbu harakati qonunga xilof deb topildi.
Mavzuga doir:
- Qashqadaryoda Prezident ishonch bildirgan klasterni tugatish uchun fermerlar bo‘sh shartnomaga muhr bosib, imzo qo‘yishga majburlanmoqda
- Qashqadaryoda fermerlarni shartnoma tuzishga majburlayotgan tashkilot kooperatsiya bo‘lolmasligi aytildi
- Qarshi tumani hokimi o‘rinbosari sudda klaster faoliyati to‘xtatilishini klaster rahbarining selektorda qatnashmasligi, hokim telefoniga javob bermasligi bilan izohladi
- Qarshi tuman hokimi Maqsuda Mustafoyeva: “Aripovdek quyushqondan chiqadi deb o‘ylasangiz, menda bunday bo‘lmaydi”
Klaster rahbariyatining sudga qilgan da’vosida 2020-yilning 8-apreldagi hukumat bayonnomasidagi xususiy korxonani to‘xtatish haqidagi ma’lumotlar tuman hokimligi tomonidan kiritilgan, degan da’vosi yetarlicha asoslanmagani bois rad etildi.
Izoh (0)