Енгил вазн тоифасида UFC чемпиони Ҳабиб Нурмагомедов ва Жастин Гэтжининг менежери Али Абдулазиз икки вазн тоифаси собиқ чемпиони Конор Макгрегорнинг MMA’ни тарк этиши борасидаги қарорига муносабат билдирди.
«Ҳабибнинг ўрнини эгаллашинг ва Тони Фергюсон билан жанг қилишинг керак эди. Сен эса йиллар давомида ундан қочиб юрдинг. Жастин Гэтжи чиқди ва ўз ишини бажарди.
Энди эса бир четда ўтирган ҳолда дунёнинг энг кучли икки яккакурашчиси ўртасидаги жангни томоша қилишинг керак», — дейди Абдулазиз.
Эслатиб ўтамиз, Гэтжи UFC 249 мусобақасида Фергюсонни мағлуб этган ҳолда енгил вазн вақтинчалик чемпионлигини қўлга киритди ва мазкур тоифа чемпиони — Нурмагомедов билан жанг қилиш имкониятини қўлга киритди. Улар ўртасидаги жанг сентябрь ойида бўлиб ўтиши кутилмоқда.
Аввалроқ Конор Макгрегор 3 марта MMA’ни тарк этишини эълон қилган, кейинроқ эса унга Гэтжи билан жанг қилиш имконияти тақдим этилмаганидан нолиганди.
Изоҳ (0)