Янги BMW 4-Series’нинг премьерасидан бир неча кун ўтиб, интернетда BMW М4’нинг сурати тарқала бошлади. Ҳозирча ушбу сурат қаерда туширилгани номаълум, бироқ BMW М марказларидан бирига ўхшайди, деб хабар беради Carakoom.
Автомобиль олд қисмининг энг кўзга ташланадиган қисми, албатта, радиатор панжараси учун ажратилган «тешик»нинг каттароқ экани. 4-Series’нинг оддий вариантларига уч ўлчамли дизайнга эга анча мураккаб панжаралар ўрнатилган бўлса, М4’ники горизонтал планкалар ҳисобига бироз оддий кўриниш касб этган.
Қўшимча ҳаво айлантиргичлар асосий панжаранинг ён томонларида жойлашган, олд фаралар эса ўзгаришсиз қолгандек. Олд бампернинг ташқи четлари деярли бўш, фақат айрим вертикал каналларни илғаш мумкин. Тахминларга кўра, бу олд тормозларни совутишга мўлжалланган каналлар ёки ёпиқ пласик бўлаги.
Янги М4 дизайнининг ўзига хос бир жиҳати бор бу — олд ойнага қадар тортилган радиатор панжарасининг бироз тепа қисмидан бошланувчи иккита ингичка чуқурча.
Маълумотларга кўра, BMW М4’га худди Х3 М ва Х4 М’даги каби 3,0 литрли олти цилиндрга эга С58 мотори ўрнатилган. У стандарт вариантда 473 от кучини, Competition версиясида эса 503 от кучини ҳосил қилади.
Изоҳ (0)