Март ойида бўлиб ўтган «Байкал музликларидаги тезлик кунлари» фестивали давомида Hyundai компанияси «Муз устида 1000 километр масофага ҳаракатланиш бўйича энг катта ўртача тезликка эришган серияли автомобиль» йўналишида рекорд ўрнатди, деб хабар беради Motor.
Рекорд ўрнатилган пойга саккиз километрли муз ҳалқада бўлиб ўтган. Унда учта Hyundai и30 N Ultimate моделлари қатнашган бўлиб, ҳар бири умумий ҳисобда 1020 километр 700 метр йўл босган. Энг тезкор иштирокчига бутун масофани босиб ўтиш учун 9 соат 1 дақиқа 20 сония керак бўлган. Айланишларнинг бирида Hyundai моделларидан бирининг максимал тезлиги соатига 128 километрга чиққан.
1000 километр масофага ҳаракатланиш бўйича эришилган ўртача натижа 110 км/соат бўлиб, у Россиянинг рекордлар китобига киритилган. Бундан олдинги рекорд 2016 йилда қайд этилган. Ўшанда ушбу кўрсаткич соатига 96 километр тезликка тенг бўлган.
и30 N Ultimate хот-хэтчейига 275 от кучи ва 353 Нм айланишлар моментига эга Theта 2.0 ТGDI «турботўртлиги» ўрнатилган бўлиб, у олти поғонали механик узатмалар қутиси ёрдамида бошқарилади.
Шунингдек, моделга электрон бошқарилувчи амортизаторлар ва клапанларни ўзгартирувчи тизим ўрнатилган. i30 N Ultimate 100 км/соат тезликка 6,4 сонияда эришади; Performance жамланмаси билан эса 6,1 сония керак бўлади. Моделнинг максимал тезлиги 250 км/соатга тенг.