Германиянинг Свиккау шаҳри полициячилари округдаги 40 га яқин машина кузовини тирнаб ташлаган вандални қидиришга бир ҳафта вақт сарфлади. Натижада бу ишларни етти ёшли қизалоқ амалга оширгани маълум бўлди, деб хабар беради мамлакат полиция департаменти.
Полиция департаментининг маълумотларига кўра, қизалоқнинг қўлидан жами 37 та автомобиль жабр кўрган. Энди қизнинг ота-онаси етказилган зарарни қоплаб бериши керак, бу қарийб 30 минг евро демак.
Полиция автомобиллар кузовини қириб кетаётган қизалоқни аниқлашга етти кун сарфлаган. Саккизинчи кунга келиб, улар «бузғунчи»ни ушлашга муваффақ бўлган — қизалоқ воқеа жойида қўлга олинган. У шу вақтгача бўлган автомобилларга ўзи шикаст етказганини тан олган. Қизалоқ қўлига тош олиб, машиналарга қор парчаларини чизиб юрган. У аслида ёмон иш қилишни эмас, аксинча, машиналар чиройли бўлишини хоҳлаган.
Изоҳ (0)