Наманган вилояти Тўрақўрғон туманидаги «Соҳилобод» маҳалла фуқаролар йиғинида истиқомат қилувчи нуроний Муслимхўжа Қосимов ўзига қарашли бинонинг тўртта хонасини ҳужжатларини расмийлаштириб, маҳалла фуқаролар йиғини ҳисобига ўтказиб берди. Бу ҳақда Маҳалла ва оилани қўллаб-қувватлаш вазирлиги матбуот хизмати «Дарё»га маълум қилди.
«Ўзим туғилиб ўсган маҳалламга хайр-саховат кўрсатиш нияти кўп йиллардан буён юрагимда жўш урар эди. Бугун ана шу ниятларимни юзага чиқарганимдан бахтиёрман», — дейди 70 ёшга яқинлашган отахон. Вазирлик матбуот хизматининг қайд этишича, бу воқеа маҳалла фаолияти самарадорлигининг ошишига, унинг жиноятдан холи ҳудудга айланишига ёрдам беради.
Қўшимча қилинишича, «Маҳалла комплекси» мажмуаларини қурилиши юзасидан 2020—2022 йилларга мўлжалланган Дастурга асосан, 2020 йилда Наманганнинг Тўрақўрғон туманида 16 та маҳалла фуқаролар йиғинлари учун янги бинолар қуриш белгиланган. Бугунги кунда 12 та ҳудудда маҳалла мажмуаларининг қурилиши бошланган.
Изоҳ (0)