Хитой сентябрь ойида дунёдаги энг катта FAST номли телескопини ишга туширишни режалаштирмоқда. Таъкидланишича, мазкур телескопдан ўзга сайёраликларни қидиришда ҳам фойдаланилади, деб ёзади Science and Technology Daily.
FAST — Five hundred meter Aperture Spherical Telescope («Апертураси беш юз метрга етадиган сферик телескоп») бўлиб, норасмий номи China Sky Eye («Хитойнинг самовий кўзи») ҳисобланади. FAST’нинг диаметри 500 метрга тенг ва у шу турдаги лойиҳалардан, масалан, Пуэрто-Рикодаги Аресибо обсерваториясидан 2,5 баробарга сезгир. Телескопни яратишга 185 миллион доллар йўналтирилган.
Қурилмадан чекланган режимда 2020 йилнинг январь ойидаёқ фойдаланиш бошланган, бироқ натижада уни модернизация қилишга бўйича қарор қабул қилинган.
Чжан Тунцзе исмли олимнинг таъкидлашича, ҳозирда айрим «потенциал ўзга сайёраликларнинг тор тармоқли сигналлари» мавжуд. Аммо олимнинг фикрича, бу ақлли жонзотлардан тарқалмаяпти.
Изоҳ (0)