Xitoy sentabr oyida dunyodagi eng katta FAST nomli teleskopini ishga tushirishni rejalashtirmoqda. Ta’kidlanishicha, mazkur teleskopdan o‘zga sayyoraliklarni qidirishda ham foydalaniladi, deb yozadi Science and Technology Daily.
FAST — Five hundred meter Aperture Spherical Telescope (“Aperturasi besh yuz metrga yetadigan sferik teleskop”) bo‘lib, norasmiy nomi China Sky Eye (“Xitoyning samoviy ko‘zi”) hisoblanadi. FAST’ning diametri 500 metrga teng va u shu turdagi loyihalardan, masalan, Puerto-Rikodagi Aresibo observatoriyasidan 2,5 barobarga sezgir. Teleskopni yaratishga 185 million dollar yo‘naltirilgan.
Qurilmadan cheklangan rejimda 2020-yilning yanvar oyidayoq foydalanish boshlangan, biroq natijada uni modernizatsiya qilishga bo‘yicha qaror qabul qilingan.
Chjan Tunsze ismli olimning ta’kidlashicha, hozirda ayrim “potensial o‘zga sayyoraliklarning tor tarmoqli signallari” mavjud. Ammo olimning fikricha, bu aqlli jonzotlardan tarqalmayapti.
Izoh (0)