Ўзбекистонда 2020 йил 2 июнь соат 23:00 ҳолатига кўра, яна 10 нафар кишида коронавирус инфекцияси аниқланди ва COVID-19 билан касалланганларнинг умумий сони 3760 нафарни ташкил этмоқда. Бу ҳақда Соғлиқни сақлаш вазирлиги хабар берган.
Янги касалланган беморларнинг 7 нафари Навоий вилоятида коронавирусга чалинганлар билан мулоқотда бўлиб, карантинга олинган фуқаролар орасида, 2 нафари эса Тошкент шаҳрида аҳоли орасида, 1 нафари карантин марказидаги (Қозоғистон Республикаси орқали Ўзбекистонга кириб келган) фуқаролар орасида аниқланган.
Аввал Ўзбекистонда коронавирус инфекцияси қайд этилганлар сони 2020 йил 2 июнь соат 17:00 ҳолатига кўра, 32 нафарга ошиб, 3750 нафарга етгани хабар қилинганди.
Ўзбекистон бўйлаб коронавирус инфекциясидан соғайганлар сони 2 июнь ҳолатига кўра, 2908 нафарни ташкил қилмоқда.
15 март, яъни Ўзбекистонда эпидемия бошланганидан буён COVID-19 асоратлари оқибатдиа 15 киши ҳаётдан кўз юмган.
Изоҳ (0)