Бухоро вилояти Экология ва атроф-муҳитни муҳофаза қилиш бошқармаси Пешку туман инспекцияси томонидан ўтказилган тезкор тадбирда тўнғиз овлаган фуқаро аниқланди. Бу ҳақда бошқарма матбуот хизмати хабар берди.
Таъкидланишича, 31 май куни навбатдаги тезкор тадбир давомида Пешку туманидаги Обидхўжа қишлоғида яшовчи фуқаро С.М. қўшниси бошқарувидаги Damas автомашинаси билан «Қора қир чўл» ҳудудидан ҳаракатланиб келаётган вақтида туман Биохилма-хиллик инспекцияси инспектори томонидан тўхтатилган.
Текширув давомида машинада 2 та халтада бўлган битта тўнғиз ва ов қуроли борлиги аниқланган. Фуқаро С.М. ов қоидаларини бузганлиги учун унга нисбатан Маъмурий жавобгарлик тўғрисидаги кодекснинг 90-моддаси (Ов қилиш ва балиқ овлаш қоидаларини, шунингдек, ҳайвонот дунёсидан фойдаланишнинг бошқа турларини амалга ошириш қоидаларини бузиш) билан далолатнома расмийлаштирилди.
Изоҳ (0)