Карантиндаги кам ҳаракатсизлик ва уйдан чиқмаслик оқибатида инсон организми фаолияти сусайиши, иммунитет тушиши кузатилиши мумкин. Шуни эътиборга олган ҳолда нафақат иммунитетни мустаҳкамлайдиган, балки жазирама кунларда айни муддао бўлган, шунингдек, уй шароитида тайёрлаш мумкин бўлган ичимликлар рецепти билан бўлишамиз.
Классик лимонад
Цитрус мевалар таркибидаги C витамин иммунитетни мустаҳкамлайди, шамоллашга қарши самарали восита ҳисобланади. C витамин 30 даражадан юқори ҳароратда таъсир кучини йўқотади. Шунинг учун бундай меваларни янги узилган вақтида ёки муздек ичимлик ҳолида истеъмол қилиш тавсия қилинади.
Ичимлик тайёрлаш учун қуйидаги маҳсулотлар керак бўлади:
- Лимон — 1 дона
- Шакар — таъбга кўра
- Сув — 800
Идишга лимон ва шакар солинг (янада фойдалироқ бўлиши учун) яхшилаб аралаштиринг ва 1-2 кунга музлаткичга қўйинг. Бунда лимон ва шакар аралашмаси қиём ҳолига келади ва ушбу аралашмани чой, ширинлик ёки сувга қўшиб истеъмол қилиш мумкин бўлади. Қиёмдан шарбат тайёрлаш учун эса сув, олма шарбати ва лимонли аралашмани аралаштириб муз бўлакларини қўшиш тавсия қилинади.
Занжабилли (Имбир) ичимлик
Занжабил инсон организми учун энг фойдали маҳсулотлардан бири саналади, унинг таркибида иммунитетни мустаҳкамловчи гингерол мавжуд бўлгани учун ҳам шифокорлар томонидан турли касалликларни олдини олиш ва даволашда ушбу маҳсулотдан фойдаланиш тавсия қилинади.
Занжабилли ичимлик учун қуйидагилар керак бўлади:
- Лимон
- Лимондан тайёрланган қиём (юқорида таъкидланган рецептдагидек) — 3-4 қошиқ
- Занжабил илдизи
- Сув
- Занжабилни тозалаб, қирғичдан чиқаринг.
- Юқорида келтирилган маҳсулотлар билан аралаштиринг ва тонгни ушбу ичимлик билан қарши олинг.
Зарчава антиоксидант ва яллиғланишга қарши бўлган моддаларга бой маҳсулотлардан бири саналади.
Зарчавадан ичимлик тайёрлаш учун қуйидагилар керак бўлади:
- Сув — 1 л
- Асал — 4 ош қошиқ
- Лимон шарбати
Ичимлик тайёрлаш учун юқоридаги маҳсулотларни қўшиш керак бўлади. Зарчава совуқ сувда яхши аралашмаслигини ҳисобга олган ҳолда, илиқ сувдан фойдаланиш ва ичимлик тайёрланганидан кейин совитиш тавсия қилинади.
Яхна матча
Матча — кукун кўринишидаги япон кўк чойи таркибидаги фаол антиоксидантлар организм учун фойдали ҳисобланади. Матчани қишда илиқ, ёзда яхна ичимлик сифатида истеъмол қилиш мумкин.
Матчадан яхна ичимлик тайёрлаш учун қуйидагилар керак бўлади:
- Матча — 5 ош қошиқ
- Ўсимлик сути — сули, бодом сути тавсия қилинади
- Муз бўлаклари
Матчани сутга қўшиб қуйиқа қолмагунича аралаштиринг, муз қўшинг ва шиша идишга солиб музлаткичга қўйинг.
Лимон қўшилган яхна қаҳва
Авваллари қаҳва зарарли ҳисобланган бўлса, бугунга келиб олимлар унинг саломатлик учун фойдали экани фақат уни истеъмол қилишда меъёрни билиш кераклиги ва кунига 3-4 финжон қаҳва ичиш керак эканини таъкидлайди. Юрак-қон томир касалликлари учун фойдали бўлган, кишини тетиклаштирувчи хусусиятга эга мазкур маҳсулот, иммунитетнинг яхшиланишида ҳам муҳим рол ўйнаб, сурункали касалликларнинг олдини олади.
Яхна қаҳва тайёрлаш учун қуйидагилар керак бўлади:
- Қаҳва
- Лимон
- Муз бўлаклари
- Асал
- Кардамон (каргамонсиз ҳам тайёрласа бўлади)
Шиша идишга лимон, қаҳва, асал ва кардамон солинг ва таъбга кўра сув қўшинг. Музлаткичда музлатинг ва истеъмол қилишдан аввал муз бўлаги қўшинг.
Изоҳ (0)