Бухорода хотини билан жанжалига аралашиб, уни ҳақорат қилгани учун эр ўз қайнсинглисини пичоқлаб ўлдирди. Бу ҳақда Олий суд матбуот хизмати хабар бермоқда.
Маълум бўлишича, Шавкат Раҳимов турмуш ўртоғи Анора Раҳимова (исм-шарифлар ўзгартирилган) билан турмушининг сўнгги пайтларида умуман келишмай қолган. Арзимаган нарсадан чиққан тушунмовчилик катта жанжалга айланиб кетган. Шундан кейин аёл болаларини олиб, қизлик уйига кетиб қолган.
Қайд этилишича, улар 2007 йилда турмуш қурган бўлиб, икки нафар фарзанди бор. Ўзаро келишмовчилик натижасида аёл 2015 йилнинг март ойида эрини судга берган ва улар ажрашиб, эр болалари учун алимент тўлаб келган. Кейинчалик улар яна ярашиб, бирга яшай бошлаган.
Шавкат Раҳимов пул топиш мақсадида Тошкентнинг турли жойларида ижарада яшаб, мардикорлик қилган. 2019 йилнинг 14 февралида Тошкентда маст ҳолатда оёғини синдириб олган. Бу воқеадан сўнг ҳеч қаерда ишламасдан, уйда ётиб қолган ва шу сабабли хотини ўртасида яна жанжал келиб чиқиб, болаларни олиб, онасининг уйига кетиб қолган.
У бир неча маротаба бориб, уни олиб келишга ҳаракат қилган, аммо қайнана-қайнатаси ярашишларига қаршилик қилган. Қайнсинглиси Фазилат эса «Ўзи сенинг авлодинг бузуқ, эркак эмассан...», деб ҳақорат қилган. Эртаси куни эса яна алимент учун МИБдан қўнғироқ бўлган.
Шу куни дўсти билан овқатланиб, спиртли ичимлик истеъмол қилган. Маст ҳолда бўлган Шавкат Раҳимов опасининг тарафини олиб, жанжалга аралашмаганда аллақачон ярашган бўлардик, деган ўйда ва ҳақоратлари учун қайнсинглисидан аламини олиш мақсадида ундан қасд олишни режалаштиради.
Уйга келиб, ошхонадан пичоқ олган ва қайнсинглиси Фазилат ишлайдиган Paynet шохобчасига бориб, ҳеч ким қолмагандан кейин унинг олдига яқинлашган. Аммо Фазилат уни кўрган бўлса-да, кўрмасликка олгани, унинг менсимаётганлиги баттар жаҳлини чиқариб, пичоқ билан унга ташланиб, танасининг дуч келган жойига пичоқ санчган. Шу пайт хонага кириб қолган одамлар устига турли буюмларни улоқтириб, уни ажратиб олган.
Жиноят ишлари бўйича Бухоро вилоят суди Шавкат Раҳимов Жиноят кодексининг 97-моддаси 1-қисмида назарда тутилган жиноятни содир этганликда айбли, деб топди ва унга шу модда билан 13 йил озодликдан маҳрум қилиш жазоси тайинланди. Жазони умумий тартибли колонияларда ўташ белгиланди.
Мавзуга доир:
- Бухорода 10 йилда 8 маротаба жиноий жавобгарликка тортилган аёлга суд ҳукми ўқилди
- Бухорода 70 ёшли қайнона ўзини ўлдирган ўғлининг қасдини олиш учун келинини ўлдирди
- Бухорода куёвини пичоқлаган қайнотага ҳукм ўқилди
- Бухорода овсини билан жанжаллашган аёл унинг бошига ғишт бўлаги билан урди
- Бухорода хотинини рашк қилган руҳий хаста эркак отасини 19 маротаба пичоқлаб ўлдирди
Изоҳ (0)