Италиялик ҳужумчи Марио Балотелли ва «Брешия» ўртасидаги келишмовчилик судда кўриб чиқилиши мумкин. Томонлар адвокат ёллашга ҳам улгурган.
Балотелли ўзининг жамоага қайтарилишини ёки клуб товон пули тўлаб беришини талаб қилмоқда. Аввалроқ унинг асосий жамоадан четлатилгани ва индивидуал тарзда машғулот ўтаётгани тўғрисида хабарлар тарқалганди.
Журналист Никола Скиранинг ёзишича, нима бўлган тақдирда ҳам, Балотелли ёзда «Брешия»ни тарк этади. «Галатасарой», «Васко да Гама», «Фламенго» ва «Ботафого» клублари уни ўз сафида кўриш истагини билдирган.
Мавзуга доир: «У жуда ғалати йигит». «Брешия» президенти Марио Балотеллининг яна жамоасини ўзгартиришини тасдиқлади
Маълумот учун, Марио Балотелли жорий мавсум А Серия доирасида 19 та ўйинда майдонга тушиб, 5 та гол урди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)