Россияда 31 май ҳолатига кўра, яна 9268 кишида коронавирус аниқланди. Бутун мамлакат бўйлаб COVID-19 билан касалланганлар сони 405 843 кишига етди. Бу ҳақда мамлакатнинг Коронавирусга қарши кураш бўйича тезкор штаби хабар берди.
Янги касалланиш ҳолатларининг асосий қисми Москва (2595 киши), Москва вилояти (757 киши), Санкт-Петербург (369 киши), Нижегород (301 киши) ва Свердлов (265 киши) вилоятлари ҳисобига тўғри келмоқда.
Шунингдек, ўтган бир сутка ичида 138 бемор COVID-19 қурбонига айланган. Россияда пандемия бошланганидан буён коронавирус оқибатида вафот этганлар сони 4693 кишига етди, ҳозирга қадар 171 883 бемор соғайишга муваффақ бўлган (ўтган бир суткада 4414 киши).
Мамлакатда коронавирусни аниқлаш бўйича 10,6 миллиондан ортиқ лаборатория тадқиқотлари ўтказилган.
Аввалроқ Россияда коронавируснинг белгисиз ташувчилари сони ошгани тўғрисида хабар берилганди. Россиялик шифокор коронавирус кеч куз ва эрта баҳорда пайдо бўладиган мавсумий касалликка айланиши мумкинлигини тахмин қилмоқда.
Изоҳ (0)