АҚШ президенти Дональд Трамп хитойлик олимлар ва аспирантларга мамлакатнинг интеллектуал мулки ва технологиясини ҳимоя қилиш мақсадида АҚШга киришни чеклади. Бу ҳақда тегишли ҳужжат 29 май куни Оқ уй томонидан эълон қилинган.
Гап Хитой Халқ озодлик армияси билан боғлиқ аспирантлар ва ёш олимлар ҳақида кетмоқда. Америка ҳукуматининг фикрича, улар АҚШга технология ва интеллектуал мулкни ўғирлаш учун келиши мумкин.
Энди хитойлик бўлмаган муҳожирлар F ёки J визалари билан ўқиш ёки тадқиқот учун АҚШга кира олмайди. Мамлакатга қонуний равишда келган талабалар бундан мустасно.
Шунингдек, ҳужжатда айтилишича, Хитойнинг Америка технологияларини ўғирлаши мамлакат хавфсизлиги ва иқтисодиётига хавф солиши мумкин. Трамп Хитойнинг бу ҳаракатини дунёдаги энг технологик ривожланган қуролли кучларини яратишга уриниш, деб атади.
Хитой—АҚШ муносабатлари коронавирус пандемияси шароитида янада кескинлашди. Трамп Пекинни эпидемия ҳақидаги маълумотларни яширганликда ва вируснинг мамлакат ташқарисида тарқалишига йўл қўйганликда бир неча бор айблаган. Ўз навбатида Хитой ҳукумати Пекин коронавирус ҳақида ҳеч нарсани яширмаганини таъкидламоқда.
Бундан ташқари, Трамп Гонконг эркинлигини чекламоқчи бўлган Хитойга қарши кучли жавоб қайтариш билан таҳдид қилди.
Изоҳ (0)