AQSh prezidenti Donald Tramp xitoylik olimlar va aspirantlarga mamlakatning intellektual mulki va texnologiyasini himoya qilish maqsadida AQShga kirishni chekladi. Bu haqda tegishli hujjat 29-may kuni Oq uy tomonidan e’lon qilingan.
Gap Xitoy Xalq ozodlik armiyasi bilan bog‘liq aspirantlar va yosh olimlar haqida ketmoqda. Amerika hukumatining fikricha, ular AQShga texnologiya va intellektual mulkni o‘g‘irlash uchun kelishi mumkin.
Endi xitoylik bo‘lmagan muhojirlar F yoki J vizalari bilan o‘qish yoki tadqiqot uchun AQShga kira olmaydi. Mamlakatga qonuniy ravishda kelgan talabalar bundan mustasno.
Shuningdek, hujjatda aytilishicha, Xitoyning Amerika texnologiyalarini o‘g‘irlashi mamlakat xavfsizligi va iqtisodiyotiga xavf solishi mumkin. Tramp Xitoyning bu harakatini dunyodagi eng texnologik rivojlangan qurolli kuchlarini yaratishga urinish, deb atadi.
Xitoy—AQSh munosabatlari koronavirus pandemiyasi sharoitida yanada keskinlashdi. Tramp Pekinni epidemiya haqidagi ma’lumotlarni yashirganlikda va virusning mamlakat tashqarisida tarqalishiga yo‘l qo‘yganlikda bir necha bor ayblagan. O‘z navbatida Xitoy hukumati Pekin koronavirus haqida hech narsani yashirmaganini ta’kidlamoqda.
Bundan tashqari, Tramp Gonkong erkinligini cheklamoqchi bo‘lgan Xitoyga qarshi kuchli javob qaytarish bilan tahdid qildi.
Izoh (0)