Boeing компанияси 2019 йилнинг декабрида тўхтаб қолган 737 МАХ самолётларини қайта ишлаб чиқаришни йўлга қўйди, деб хабар беради Meduza.
«Самолётлар иш жойларида хавфсизликни таъминлаш ва маҳсулот сифатини оширишга қаратилган ўндан ортиқ ташаббусларни амалга ошириш муносабати билан режалаштирилганидан паст тезликда йиғилмоқда», — дейилади компания баёнотида.
Boeing’нинг мазкур моделларини йиғиш Индонезия ва Эфиопияда 346 кишининг ўлимига сабабчи бўлган авиаҳалокатлардан кейин бутун дунё бўйлаб тўхтатиб қўйилганди.
Эслатиб ўтамиз, 2019 йилнинг 10 март куни Ethiopian Airlines авиакомпаниясининг Кенияга учаётган Boeing 737-800 МАХ самолёти ҳалокатга учраши оқибатида бортда бўлган 149 нафар йўловчи, шунингдек, саккиз нафар экипаж аъзоси ҳалок бўлган. 2018 йилнинг 29 ноябрь куни Lion Air авиакомпаниясининг Boeing 737 йўловчи самолёти Жакарта аэропортидан ҳавога кўтарилганидан кўп ўтмай ҳалокатга учраб, денгизга қулаган. Самолёт бортида 189 киши бўлган. Шулардан 181 нафари йўловчи, 2 нафар учувчи ҳамда 6 нафар экипаж аъзоси. Уларнинг барчаси ҳалок бўлган.
Изоҳ (0)