Футбол бўйича Германия чемпионатининг 28-туридан ўрин олган бироқ қатор баҳслар 26 май, сешанба оқшомида бўлиб ўтди.
Леверкузеннинг «Байер» жамоаси ўз майдонида «Вольфсбург»ни қабул қилди ва кутилмаганда йирик ҳисобдаги мағлубиятни қабул қилиб олди. Меҳмонлар сафида Марин Понграчич дублга эришган бўлса, Максимилиан Арнольд ва Ренато Штеффен бир мартадан рақиб дарвозасини ишғол қилди. Мезбонларнинг ягона жавоб тўпига Юлиан Баумгартлингер муаллиф бўлди.
Параллел кечган баҳсларда «Айнтрахт» ўз уйида ирода намойиш қилган ҳолда «Фрайбург» билан 3:3 ҳисобида дуранг ўйнади. «Вердер» ва «Боруссия М» иштирокидаги ўйинда эса ҳисоб очилмади.
Шу тариқа «Боруссия М» очколарини 53 тага етказиб олган ҳолда «Байер» билан тенглашди ва мусобақа жадвалида 4-ўринга кўтарилди. Леверкузенликлар эса иккинчи ўриндаги «Боруссия Д»га (57) етиб олиш имкониятидан фойдалана олмади.
Бундеслига
28-тур баҳслари
26 май, сешанба
«Байер» — «Вольфсбург» 1:4
Голлар: 0:1 – 43 Понграчич, 0:2 – 64 Арнольд, 0:3 – 67 Штеффен, 0:4 – 75 Понграчич, 1:4 – 85 Баумгартлингер.«Айнтрахт» — «Фрайбург» 3:3
Голлар: 0:1 – 28 Грифо, 1:1 – 35 Андре Сильва, 1:2 – 67 Петерсен, 1:3 – 69 Ҳелер, 2:3 – 79 Камада, 3:3 – 82 Чендлер.«Вердер» — «Боруссия М» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)