Street style’да қандай сумкалар урфда?

Сумка аёл киши образидаги энг муҳим аксессуарлардан бири ҳисобланади. Оддий ва зерикарли бўлган образни ҳам ўзига хос дизайндаги сумка билан ёрқин қилиш мумкин. Баҳор-ёз мавсумида қандай сумкалар долзарблигига street style мисолида жавоб берамиз.

Ноодатий шакл, чарм, ўзига хос ранг ва камарли мазкур сумка исталган оддий образни қизиқарли кўрсатади.

Занжирли, металл логоли қора бежирим сумка классика ҳисобланади. Бундай модель бир вақтнинг ўзида башанг ва ўзига хос кўрсатади. Бундай сумкани офис услубидаги костюм ёки жинси билан ҳам мослаш мумкин.

Тўқ кўк рангли мазкур моделга ўхшаш сумкани йилнинг тренди деб атаса ҳам бўлади. Тўртбурчак корпус, кенг камар сумканинг ўзига хослигини таъминлайди. Бундай сумкани баҳор ва ёзда оч ва енгил либослар билан кийиш айни муддао.

Мазкур модель кичик ҳажмдаги сумка тутишни ёқтирувчилар учун яхши вариант. Ихчам дизайн, безак ва қулай елкага тақишга мўлжалланган камар сумканинг муваффақиятини таъминлайди.

Ярим ой шаклидаги ушбу моделни кундалик ёки офис образлари билан мослаш мумкин. Ўзига хос шаклдаги мазкур сумкани модель Кендалл Женнер образларидан бирида ҳам кузатиш мумкин.

Кокилли сумка ёз учун энг аъло вариант ҳисобланади. Бундай модель қўлда тутиш, елкага осиш учун қулайлиги билан ҳам аҳамиятли. Кенг ва калта кўйлак, шифон юпка ва кофталар билан мослаш тавсия қилинади.

Қора, ихчам, ўзига хос услубдаги сумка, нафақат жиддий услубда кийинишни балки ўзига хос образ яратишни истовчилар учун тавсия қилинади.