Қозоғистонда коронавирусга чалинганлар сони 8531 кишига етди. Қирғизистонда эса яна икки киши COVID-19 қурбонига айланди, улардан бири — собиқ спикер

Қозоғистонда ўтган бир сутка ичида яна 209 кишида коронавирус аниқланди, деб хабар беради Tengrinews.

Мамлакат бўйлаб касаллар сонининг ортиши 2,5 фоизни ташкил этмоқда. Коронавирус юқтириб олиш бўйича янги ҳолатлар қуйида вилоятларда аниқланган:

• Олмаота — 37 (1,7 фоиз);
• Қарағанда вилояти — 33 (5,9 фоиз);
• Жамбил вилояти — 33 (12,7 фоиз);
• Нур-Султон — 32 (2 фоиз);
• Ғарбий Қозоғистон вилояти — 28 (7,3 фоиз);
• Атирау вилояти — 12 (1,4 фоиз):
• Павлодар вилояти — 10 (5,6 фоиз);
• Ақтўбе вилояти — 6 (2,2 фоиз);
• Қизилўрда вилояти — 6 (2,1 фоиз)
• Олмаота вилояти — 4 (1,4 фоиз);
• Шарқий Қозоғистон вилояти — 4 (6,5 фоиз);
• Костанай вилояти — 2 (1,7 фоиз);
• Ақмўла вилояти — 1(0,7 фоиз);
• Манғистов вилояти — 1 (0,6 фоиз).

Ўлим ҳолатларидан бири Республика юқумли касалликлар шифохонасида қайд этилган. Қирғизистон парламентининг собиқ спикери Мукар Чўлпонбаев вафот этган.

Иккинчи ҳолат эса Жайил туманидаги Бирлашган ҳудудий шифохонада қайд этилган. Бу ерда 67 ёшли эркак вафот этган.

Бутун мамлакат бўйлаб коронавирус қурбонлари сони 16 кишига етди.

25 май ҳолатига кўра, Қирғизистонда коронавирус инфекцияси билан касалланганлар сони 1433 кишини ташкил этмоқда. Ҳозирга қадар 992 бемор даволанишга муваффақ бўлган.