Тожикистонда коронавирус инфекциясига чалинганлар сони 24 май ҳолатига кўра 2929 нафарга етди. Бу ҳақда «РИА Новости» мамлакат соғлиқни сақлаш вазирлиги ахборот хизмати маълумотига таяниб хабар тарқатган.
«24 май оқшоми ҳолатига кўра, Тожикистонда кун давомида коронавирус юқтириб олиш билан боғлиқ 191 та янги ҳолат аниқланган, касалланганларнинг умумий сони 2929 нафарни ташкил қилмоқда. Бир сутка ичида 2 киши касаллик оқибатида вафот этди ва мамлакатда коронавирус инфекцияси асоратлари оқибатида қайд этилган ўлимлар сони 46 тага етган», – дея агентликка ахборот берган ССВ вакили.
ССВ ахборот хизмати берган маълумотга асосан 24 май ҳолатига кўра, Тожикистонда 2772 нафар одам шифокорлар кузатувига олинган, ортда қолган бир сутка ичида 1301 киши касалликдан тузалган, 565 нафар одам тиббиёт муассасаларидан чиқарилган.
Тожикистон ҳукумати ҳамда соғлиқни сақлаш ва ижтимоий ҳимоя вазирлиги COVID-19’нинг олдини олиш ва даволаш юзасидан чора-тадбирларни амалга оширмоқда.
Мавзуга доир:
Изоҳ (0)