«Ориат Доно» радиосининг «Футбол плюс» ток-шоуси ўз фаолиятида давом этади. Бу ҳақда эшиттириш бошловчиси ва муаллифи Бобур Акмалов маълум қилди.
Хайрулла Ҳамидов, Бобур Акмалов ва Жамолиддин Бобожонов иштирокидаги эшиттириш 25 май, душанба соат 21:05 дан эфирга узатилади.
Орият Доно радиоси Фарғона водийсида FM 102.4, бошқа ҳудудларда FM 106.5 тўлқинларида, интернетда oriatdono.uz, mediabay.uz, youtube.com ресурсларида, шунингдек, UzDigital-TV ва itv.uz телетармоқларида ҳам бор.
Аввалроқ Бобожонов ва Акмаловнинг ишдан бўшатилиши ҳамда «Футбол плюс» ток-шоуси фаолияти тугатилиши ҳақида хабарлар янграганди.
Эслатиб ўтамиз, эшиттиришнинг 18 май сонида иштирокчилар «Ўзбекистон 24» телеканалида Сардоба фалокатининг ёритилиши ва Ўзбекистонда карантин тартиби юмшатилишининг ўзига хосликлари ҳақида фикр билдиргани кенг муҳокамаларга сабаб бўлганди. Натижада Ўзбекистон Миллий телерадиокомпанияси раҳбари Алишер Хаджаев бунга муносабат билдириб, Жамолиддин Бобожонов ва Бобур Акмаловнинг таъкидларини «мутлақо асоссиз ва ноўрин танқидий фикрлар» деб атаган ва уларнинг «Спорт» телеканалида эгаллаб турган лавозимларига лойиқлигини шубҳа остига олган эди.
Шундан кейин Бобожонов ва Акмалов ўз аризасига биноан «Спорт» телеканалидан кетгани маълум бўлди.
Изоҳ (0)