Мутлақ енгил вазн тоифасида GFC чемпиони Умар Нурмагомедов UFC’даги дебютини интизорлик билан кутаётганини маълум қилди.
«Шартнома имзолаганимдан кейинги ҳиссиётлар ёдимда сақланиб турибди. Жуда хурсанд бўлганман, бироқ бу ҳайрон қоларли даражада бўлмаган, сабаби биз бунга аста-секин етиб келгандик, ишладик ва шуғулландик.
Энг яхши промоушенда ўзимни кўрсатмоқчиман, нималарга қодирлигимни намойиш қилмоқчиман. Бу жуда қизиқ бўлади. Россиядаги промоушенларда менга яхши рақибларни беришган: Армен Гулян, Никита Чистяков.
Афсуски шундай яхши жангчилар билан бўлган жангда ўзимни кўрсатишга имкон бўлмади. Мени ўйлантириб қўядиган жанг бўлмади. Шу сабаб жуда хурсандман, хавотирдаман ва дебютга ҳозирлик кўряпман», — дейди Умар Нурмагомедов.
Эслатиб ўтамиз, 24 ёшли Умар Нурмагомедов MMA’да 12 жанг ўтказиб, уларнинг барчасида ғолиб чиққан. У сўнгги бор Тошкентда ўтган GFC 20 кечасида Брайан Гонсалесни мағлуб этиб, чемпионлик камарини ҳимоя қилганди.
Февраль ойида россиялик спортчи UFC билан шартнома имзолаганини эълон қилди. Умар апрель ойида бўлиб ўтиши мўлжал қилинган UFC 249 мусобақасида дебют қилиши керак эди. Бироқ коронавирус сабаб мазкур жанг бекор бўлганди.
Ҳабиб Нурмагомедов ҳам мағлубиятга учраган, фақат MMA’да эмас (видео).
Изоҳ (0)