«Майнц» клуби матбуот хизмати Бундеслига 27-турида «Лейпциг»га қарши кечган ўйиндаги (0:5) мағлубиятга муносабат билдирди.
Тимо Вернер Майнц шаҳри клубига қарши ўйинда учта гол урди. Мазкур жамоаларнинг биринчи даврадаги тўқнашувида (0:8) ҳам Вернер ҳет-трик муаллифига айланганди.
Учрашувдан сўнг жамоа матбуот хизмати «Ливерпуль» бош мураббийи Юрген Клоппга мурожаат қилди.
«Майнц» бир мавсумда икки бор ҳет-трик қайд этган Вернерни ёмон кўриши кераклиги ҳақидаги твитга клуб расмий Twitter аккаунти қуйидагича жавоб берган: «Клопп, балки уни ваниҳоят «Ливерпуль»га олиб кетарсан?».
Аввалроқ «Ливерпуль» Вернер хизматларига қизиқиш билдираётгани хабар қилинганди. Клопп эса фаолиятининг аввалида «Майнц»да ишлаган. Немис мутахассиси 2001—2008 йиллар давомида жамоа бош мураббийи бўлган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)