Коронавирус инфекциясига қарши кураш, шунингдек, унинг мамлакатда тарқалишининг олдини олишга қаратилган халқаро ҳамкорлик доирасида Жанубий Корея Ўзбекистонга навбатдаги инсонпарварлик ёрдамини юборди. Бу ҳақда «Дунё» агентлиги хабар бермоқда.
Қайд этилишича, бу инсонпарварлик ёрдамининг учинчи партияси бўлиб, 23 май куни Uzbekistan Airways’нинг чертер рейси орқали келтирилган.
Оғирлиги қарийб 2 тоннани ташкил этувчи ёрдам юкида матрас ва ярим автомат механизмли 20 та кўп вазифали тиббий каравотлар бор. Ёрдам Suwan TPL компанияси ва мамлакатнинг Сеулдаги элчихонаси кўмагида ташкиллаштирилган.
Умумий қиймати 135 минг доллардан зиёдроқ, вазни 17 тоннага яқин бўлган инсонпарварлик ёрдамининг қолган қисми эса кейинги чартер рейс ташкил этилиши билан олиб келинади.
Эслатиб ўтамиз, Жанубий Кореядан инсонпарварлик ёрдамининг биринчи партияси апрель ойи охирларида, иккинчи партияси эса май ойи ўрталарида юборилган эди.
Изоҳ (0)