Қорақалпоғистон Республикасида 4 нафар, Самарқанд вилоятида 17 нафар бемор, жами 21 нафар бемор бутунлай соғайиб, 25 май куни реабилитацияга кузатилди, деб хабар бермоқда ССВ матбуот хизмати.
Қорақалпоғистонда соғайганларнинг барчаси узоқ масофага қатновчи юк автомашинаси ҳайдовчилари бўлиб, Россиядан Қозоғистон орқали Ўзбекистонга келган. Таҳлил натижаларига кўра, касаллик аниқлангач, шифохонага ётқизилган. Ҳудудлар кесимида олинса, Қорақалпоғистон Республикаси, Бухоро, Навоий ҳамда Самарқанд вилоятларидан 1 нафардан. Уларнинг барчаси эркак бўлиб, ёши каттаси 36 ёшда, ёши кичиги эса 23 ёшда.
Эндиликда Қорақалпоғистонда тузалганлар 122 нафарга етди, даволанаётганлар эса 9 нафарни ташкил этмоқда. Яъни Қорақалпоғистон коронавирусдан холи ҳудуд бўлишга жуда яқин турибди.
Самарқандда тузалганларнинг барчаси ушбу вилоятдан (6 нафари Оқдарё туманидан, Самарқанд шаҳри ва Самарқанд туманидан 4 нафардан, Иштихон, Пайариқ ва Тойлоқ туманларидан 1 нафардан) бўлиб, коронавирус инфекциясига чалинганлар билан мулоқот орқали касалликни юқтириб олган. Улардан 8 нафари эркак, 9 нафари аёл бўлиб, энг ёши каттаси 67 ёшда, ёши кичиги эса 2020 йилда туғилган чақалоқ. Эндиликда вилоятда соғайганлар 247 нафар, даволанаётганлар 90 нафар ташкил этмоқда.
24 май куни Ўзбекистонда 33 нафар бемор тузалиб, коронавирус инфекциясидан бутунлай соғайганлар 2565 нафарга етганди. Эндиликда улар сони 2586 нафарга етди.
Ўзбекистонда коронавирус инфекцияси қайд этилганлар сони эса 25 май соат 10:00 ҳолатига кўра 16 кишига кўпайиб, 3180 нафарни ташкил этмоқда.
Изоҳ (0)